ಸಂಗಾತಿ

ಹೇ ಬೊಗಸೆ ಕಂಗಳ ಹುಡುಗಿ
ಜಿಂಕೆಯಂತೆ ನಲಿಯುವ ಬೆಡಗಿ

ಮನ ಸೋತಿತು ನಿನ್ನಂದಕೆ
ತನು ಬಯಸಿತು ನಿನ್ನೊಲವ
ಹೇ ಬೊಗಸೆ ಕಂಗಳ ಹುಡುಗಿ
ನೀನಾಗುವೆಯ ನನ್ನ ಬಾಳ ಪಯಣದ ಸಂಗಾತಿ?

ನಿನ್ನ ಕಂಡ ಕ್ಷಣದಿಂದ ಅನುರಾಗ ಮೂಡಿತು
ಎಲ್ಲೆಲ್ಲೂ ನಿನ್ನ ಚಿತ್ರ ತೇಲಿತು
ಕುಳಿತಲ್ಲಿ ನಿಂತಲ್ಲಿ ನಿನ್ನ ನೆನಪು ಕಾಡಿತು
ಹೇಳು ಹುಡುಗಿ ಹೇಳು!
ನೀನಾಗುವೆಯ ನನ್ನ ಬಾಳ ಪಯಣದ ಸಂಗಾತಿ?

ನನ್ನಿಯನ ಜೊತೆಯಲ್ಲಿ

ಮುಂಜಾನೆಯ ಮಂಜಿನಲಿ
ತಂಗಾಳಿಯ ತಂಪಿನಲಿ
ವನರಾಶಿಯ ಸೊಬಗಿನಲಿ
ಕುಳಿತಿದ್ದೆನು ನನ್ನಿಯನ ಜೊತೆಯಲ್ಲಿ
ಟೀ ತೋಟದ ನಡುವಿನಲ್ಲಿ

ಪ್ರಕೃತಿಯ ಮಡಿಲಲ್ಲಿ
ಸುರಿವ ಸೋನೆಯಡಿಯಲ್ಲಿ
ಮೈ ನಡುಗಿಸುವ ಚಳಿಯಲ್ಲಿ
ಕುಳಿತಿದ್ದೆನು ನನ್ನಿಯನ ಜೊತೆಯಲ್ಲಿ
ಟೀ ತೋಟದ ನಡುವಿನಲ್ಲಿ

ಕಂಗಳಿಗೆ ಮುದನೀಡುವ ಹಸಿರಿನ ತೋಟದಲಿ
ಕಿವಿಗೆ ಇಂಪಾಗಿ ಕೇಳುವ
ಕೋಗಿಲೆಯ ಗಾನದಲಿ
ಮನಸ್ಸಿಗೆ ಕಚಗುಳಿಇಡುವ
ನಿಸರ್ಗದ ಅಡಿಯಲ್ಲಿ
ಕುಳಿತಿದ್ದೆನು ನನ್ನಿಯನ ಜೊತೆಯಲ್ಲಿ
ಟೀ ತೋಟದ ನಡುವಿನಲಿ.

ಸವಿನುಡಿ

ನನ್ನೆದೆ ಗೂಡಿನಲಿ ಬೆಚ್ಚಗೆ ಕುಳಿತಿರುವ ನನ್ನಿನಿಯ
ಒಲವಿನ ಸವಿ ಮಾತನು ಹೇಳುವೆ
ಆಲಿಸು ಓ ಗೆಳೆಯ,
ನಮ್ಮಿಬ್ಬರ ಪ್ರೀತಿ ಮಧುರ
ನಮ್ಮಿಬ್ಬರ ಪ್ರೇಮ ಅಮರ
ನಮ್ಮೀ ಮಧುರ ಬಾಂಧವ್ಯ
ಇಂಪಾದ ವೀಣೆಯ ಝೇಂಕಾರದಂತೆ
ಮೆಲ್ಲನೆ ಸಾಗುತ್ತಾ
ಚಿರನೂತನವಾಗಿ ನುಡಿಯುತ್ತಿರಲಿ
ಓ ನನ್ನ ಹೃದಯ ಸಾಮ್ರಾಜ್ಯದ ಒಡೆಯ
ಆಲಿಸಿದೆಯಾ ನನ್ನೀ ಸವಿ ನುಡಿಯಾ?

ಮನಸು

ಮನದ ಇಬ್ಬನಿ ಕರಗಿತು
ಮನದಿ ಸಂತಸ ಅರಳಿತು
ಹೃದಯ ಹಾಡಿತು
ತನುವು ಕುಣಿಯಿತು
ಎದೆಯಲಿ ಅನುರಾಗ ಮೂಡಿತು
ಒಲವ ಬಯಸಿತು
ಹರುಷ ಉಕ್ಕಿತು
ಮನವು ಬಾನಂಗಳದಿ ತೇಲಿತು
ಹಕ್ಕಿಯ ಹಾಗೆ ಹಾರಿತು
ಕನಸು ಕಣ್ಣಲಿ ಕುಣಿಯಿತು
ಮನಸು ಮನದಿನಿಯನ ಸನಿಹ ಬಯಸಿತು.

ಅಂದ ಚಂದ

ಕೋಗಿಲೆ "ಕುಹು ಕುಹು" ಧ್ವನಿಚಂದ
ಮಗುವಿನ "ಕಿಲ ಕಿಲ"ನಗು ಅಂದ
ಹಕ್ಕಿಗಳ "ಚಿಲಿ ಪಿಲಿ"ಕಲರವ ಚಂದ
ನವಿಲಿನ "ತಕದಿಮಿ"ನಾಟ್ಯವು ಅಂದ
ವನರಾಶಿಯ "ಹಸಿರಿನ"ಸೊಬಗು ಚಂದ
ಆದರೆ ನನಗೆ "ನನ್ನ ನಲ್ಲನ ನೋಟವು ಬಲುಚಂದ"

ದುಡುಕು

ಅವನು ವರ್ಣಿಸುತ್ತಿದ್ದನು
ತನ್ನ ನಲ್ಲೆಯ ಹತ್ತಿರ
ಆಹಾ!! ಅದೆಂಥಾ ಸುಂದರವಾದ ವದನ
ಮುದ್ದಾದ ಪುಟ್ಟ ಕೆಂಪು ತುಟಿಗಳು
ಅರಳಿದ ಬಟ್ಟಲು ಕಂಗಳು
ಸೇಬುಗೆನ್ನೆ! ಸುಳಿಗಲ್ಲ!!
ಎಂದು ವರ್ಣಿಸುತ್ತಿರಲು
ನಲ್ಲೆ ಕೋಪಂದಿಂದ ಕುದಿಯುತ್ತ
ಹಾಗಾದರೆ ನಿನಗೆ ವಿಛ್ಛೇದನ ಕೊಡುವೆ
ನನ್ನ ನಿನ್ನ ಸಂಬಂಧ ಕಡಿಯಿತು
ಎಂದು ನಲ್ಲ ಹೇಳುತ್ತಿದ್ದ ಮಾತು ಲಕ್ಷಿಸದೆ
ದುಡು ದುಡು ನಡೆದಳು ತೌರಿಗೆ
ನಂತರ ತಿಳಿಯಿತು ತನ್ನ ನಲ್ಲ ವರ್ಣಿಸುತ್ತಿದ್ದದ್ದು
ಒಂದು" ಮಗುವಿನ ವದನ" ವನ್ನು ಎಂದು.

ಆಸರೆ

ಬಾಳೆಂಬ ತೋಟದ ಬಳ್ಳಿಯಾದ ನನಗೆ
ದೇಹವೆಂಬ ಮರವಾಗಿ ಆಸರೆ ಯಾದೆ.
ನಿನ್ನ ಪ್ರೀತಿಯೆಂಬ ತಂಪಿನ ನೆರಳಲ್ಲಿ
ಜೀವನವೆಲ್ಲಾ ಕಳೆಯುವ ಆಸೆ.